ይህ ጊዜ

በታሪካችን ውስጥ ያለው የጊዜው ዕንቆቅልሽ ህንፃዎቻችን ረዥም መሆናቸውና ትዕግስታችን ማጠሩ መንገዶቻችን ሰፊ መሆናቸውና አመለካከታችን መጥበቡ ነው   

ብዙ ገንዘብ እናጠፋለን ግን ያለን ትንሽ ነው  ብዙ እንገዛለን ግን እርካታችን ዝቅተኛ ነው ትላልቅ ቤቶች አሉን ግን ቤተሰቦቻችን ትንሽ ናቸው  የተመቻቹ ሁኔታዎች አሉ ግን የጊዜ እጥረት አለብን

ብዙ ዲግሪ አለን ግን ዝቅተኛ ምክንያታዊነት አለን  እውቀታችን ብዙ ነው ነገር ግን ግምታችን ዝቅተኛ ነው  ብዙ አዋቂዎች ቢኖሩንም ችግራችን ብዙ ነው  ብዙ መድሀኒቶች አሉን ግን ፈውሳችን ዝቅተኛ ነው  

ብዙ እንጠጣለን ብዙ እናጨሳለን  በግድ የለሽነት ገንዘብ እናጠፋለን  የምንስቀው ግን ትንሽ ነው በፍጥነት መኪና እንነዳለን  በቀላሉ እንናደዳለን አርፍደን ነው የምንተኛው ተዳክመን ከእንቅልፍ እንነቃለን  ትንሽ ነው የምናነበው ቴሌቪዥን ብዙ እናያለን ብዙ ግን አንፀልይም 

ሕይወታችንን ማራዘም ችለናል ግን ኑሯችንንን እናሳጥራለን  ወደ ጨረቃ ተጉዘን ተመልሰናል ነገር ግን መንገድ አቋርጠን አዲስ ጎረቤት ለማየት እንቸገራለን  የውጭውን አለም ተቆጣጥረናል ውስጣችንን ግን አልተቆጣጠርነውም ::  

ትላልቅ ነገሮችን ሰርተናል ነገር ግን የተሻሉ ነገሮችን አልሰራንም አየሩን አፅድተናል ነገር ግን መንፈሳችንን በክለናል አቶምን ተገንዝበናል ነገር ግን ወገናዊነትን አልተገነዘብንም  ብዙ እንፅፋለን ግን ትንሽ ነው የምንማረው

የምናቅደው ብዙ ሲሆን የምንፅፈው ግን ትንሽ ነው መጣደፍን ተምረናል ነገር ግን መታገስን አልተማርንም  ብዙ መረጃዎችን የሚይዙና ከምንፈልገው በላይ ብዙ ኮፒ የሚያደርጉ ኮምፒተሮች ሰርተናል ነገር ግን የእርስ በርስ ግንኙነታችን ዝቅተኛ ነው 

ይህ ዘመን ምግብ በቅፅበት የሚገኝበትና የበላነው ምግብ ቶሎ የማይፈጭበት ዘመን ነው  ይህ ዘመን የታላላቅ ሰዎች ግን የዘቀጠ ፀባይ  የከፍተኛ ትርፍ ግን የአልባሌ ግንኙነት ዘመን ነው  ይህ ዘመን እጥፍ ድርብ የቤተሰብ ገቢ ነገር ግን ብዙ ፍች የደልቃቃ ቤቶች ግን የሀዘንተኛ ኗሪዎች ዘመን ነው ::  

እነዚህ ጊዜዎች ጉዞ ቅፅበታዊ የሆነበት  የህፃናት መፀዳጃ ጨርቆች ተጠቅመን የሚጣሉበት የቆሸሸ ግብረ ገብነት  የአንድ ሌሊት ወሲባዊ ግንኙነት ብዙ ወፍራም ሰዎች ያሉበት  ጉደኛ የሆኑ ኪኒኖች ባንድ ጊዜ ሊያስደስቱን ዝም ሊያሰኙን ወይንም ሊገሉን የሚችሉበት ጊዜ ነው 

ይህ መጋዘን ውስጥ ምንም ነገር ሳይኖር ለህዝብ በማሳያው ክፍል ውስጥ ብዙ ዕቃ የሚቀርብበት ጊዜ ነው 

ይህ ጊዜ ቴክኖሎጂ ዕንዲህ ያለውን ጽሁፍ አምጥቶልን ሀሳቡን ከሌሎች ጋር ለመካፈል የምንወስንበት ወይንም መሰረዣውን "ዲሊት " የሚለውን ቁልፍ ተጭነትን

መልዕክቱን የምናጠፋበት ጊዜ ነው ::    

                      ________________